尤雅 – 心爱叨位去

尤雅

心爱叨位去

黑暗彼边山岭嵿，
彼个月娘现娇媚，
可爱天星闪闪烁，
抬头看到心酸悲，
月有天星伴挂意，
害阮孤单空相思，
心爱彼时叨位去，
一别又是过数年。

春去秋来又一年，
秋风吹来心虚微，
引阮想起心爱你，
心酸目屎自然泣，
无因无由着你去，
放阮寂寞心空虚，
心爱你若有情义，
赶快回来阮身边。

无情风雨伴冽冷，
谁知真情被你骗，
夜夜为你哭无停，
你是无情的男性，
枉费对你的心情，
愈想给我心愈凝，
如果红颜多薄命，
只恨运命无怨天。